ᐊᑏ-ᒎ ᑕᑯᒃᓴᑎᒍᑦ ᓯᐊᒻᒪᖅᑎᑦᓯᓂᖅ ᐱᓕᕆᐊᖃᖅᑎᖏᑦ ᓴᓇᐅᒐᓕᐅᖅᑎᐅᓯᒪᕗᑦ ᓴᓇᐅᒐᐃᑦ ᑕᐅᑦᑐᕆᓂᐊᖅᑕᖏᓂᒃ ᑖᒃᑯᓇᓂ ᐱᓕᕆᐊᖑᖃᑦᑕᖅᓯᒪᔪᓂ ᐅᑭᐅᑦ ᓯᑕᒪᐅᓕᖅᑐᓄᑦ, ᒪᑯᓂᖓ ᐃᓚᖃᖅᑎᓪᓗᒋᑦ:

ᓇᓗᓇᐃᒃᑯᑕᓕᐅᕐᓂᕐᒥᑦ: ᐋᖅᑭᒃᓱᐃᓂᕐᒧᑦ ᓇᓗᓇᐃᒃᑯᑕᒥᒃ ᐊᒻᒪᓗ ᑐᓴᐅᒪᓕᖅᑎᑦᓯᒋᐊᕐᓂᕐᒥ ᐊᑦᑕᑕᕐᓯᒪᓕᖅᑎᑕᐅᓯᒪᓪᓗᑎᒃ ᑎᒍᒥᐊᖅᑎᒋᔭᐅᔪᐃᑦ ᐊᒻᒪᓗ ᑐᕌᕐᕕᐅᓯᒪᔪᑦ ᑲᑎᓐᓂᖃᖅᓱᑎᒃ ᐃᑲᔪᖃᑕᐅᔪᓐᓇᕐᓂᖏᓂᒃ ᐱᓕᕆᐊᕆᔭᐅᔪᒧᑦ.

ᑕᑯᓐᓇᒐᔅᓴᓕᐊᖑᓯᒪᔪᖅ ᑭᒃᑯᑐᐃᓐᓇᓄᑦ ᑐᓴᐅᒪᓕᖅᑎᑦᓯᔾᔪᑎᑦ (PSA) ᐋᖅᑭᒃᓱᐊᖑᓯᒪᓪᓗᓂ ᓯᑕᒪᑎᒍᑦ ᐅᖃᐅᓯᖅᑎᒍᑦ ᐊᒻᒪᓗ ᑕᑯᒃᓴᐅᑎᑕᐅᓯᒪᓪᓗᑎᒃ ᓄᓇᖃᖅᑳᖅᓯᒪᔪᑦ ᑕᓚᕕᓴᓕᕆᔨᖏᓂ (APTN) ᐊᒻᒪᓗ ᓰᐲᓰ ᐅᑭᐅᖅᑕᖅᑐᒥ ᑕᓚᕕᓴᓕᕆᔨᖏᓂ (CBC North).

ᓈᓚᐅᑎᑎᒍᑦ ᑐᓴᖅᓴᐅᑎᑕᒃᓴᑦ ᑭᒃᑯᑐᐃᓐᓇᓄᑦ ᑐᓴᐅᒪᓕᖅᑎᑦᓯᔾᔪᑎᑦ (PSA): ᑎᑎᕋᖅᑎᐅᓪᓗᑎᒃ, ᐋᖅᑭᒃᓱᐃᔨᐅᓪᓗᑎᒃ ᓴᓇᓂᕐᒥ ᐊᒻᒪᓗ ᓯᑕᒪᐃᑎᒍᑦ ᐅᖃᐅᓯᖅᑎᒍᑦ ᑭᒃᑯᑐᐃᓐᓇᓄᑦ ᑐᓴᐅᒪᓕᖅᑎᑦᓯᔾᔪᑎᑦ (PSA) ᓈᓚᐅᑎᑎᒍᑦ ᑐᓴᖅᓴᐅᑎᑕᐅᑎᑦᓱᒋᑦ, 99.9FM-ᒥ, ᐊᒻᒪᓗ 103.5FM-ᒥ.

ᐃᑭᐊᖅᑭᕕᒃ: ᐋᖅᑭᒃᓱᐃᓪᓗᑎᒃ ᐊᒻᒪᓗ ᑐᓴᖅᓴᐅᑎᑦᓯᔨᐅᕙᑦᓱᑎᒃ ᓯᑕᒪᐃᑎᒍᑦ ᐅᖃᐅᓯᖅᑎᒎᖅᑐᓂᒃ, ᑕᕝᕙᑐᐊᖑᓪᓗᑎᒃ ᖃᕆᑕᐅᔭᑎᒍᑦ ᐱᑐᒃᓯᒪᕝᕕᓐᓂᒃ ᐱᓕᕆᓂᕐᒥ ᓴᓇᕐᕈᑎᔅᓴᖃᖅᑐᓂᒃ.

ᐃᓅᖃᑎᒌᒃᑐᓄᑦ ᑕᑯᒃᓴᑎᒍᑦ ᓯᐊᒻᒪᖅᑎᑦᓯᓂᖅ: ᐸᕐᓇᐃᔨᐅᓚᐅᖅᑐᑦ ᐊᒻᒪᓗ ᐱᒋᐊᖅᑎᑦᓯᔨᐅᓪᓗᑎᒃ ᐃᓅᖃᑎᒌᒃᑐᓄᑦ ᑕᑯᒃᓴᑎᒍᑦ ᓯᐊᒻᒪᖅᑎᑦᓯᓂᕐᓂᒃ ᑐᓴᐅᒪᓕᖅᑎᑦᓯᒋᐊᒧᑦ ᕖᔅᐳᒃ ᒪᒃᐱᕋᖁᑎᖓᓐᓂ.

ᑐᓴᐅᒪᓕᖅᑎᑦᓯᔾᔪᑎᒃᓴᑦ/ᑎᑎᕋᖅᓯᒪᔪᐊᓛᖁᑎᑦ/ᖁᐊᖃᐅᓯᕕᐅᑉ ᖄᖓᓂ ᓂᕕᖖᒐᐃᔾᔪᑎᑦ: ᑕᐅᑦᑐᕆᓂᐊᖅᑕᖏᓂᒃ ᐋᖅᑭᒃᓱᐃᔨᐅᓪᓗᑎᒃ ᐊᒥᓱᐃᓂᒃ ᑎᑎᕋᖅᑕᐅᓯᒪᔪᓂᒃ ᐃᑲᔪᕈᑎᒃᓴᓂᒃ ᐊᒻᒪᓗ ᓯᐊᒻᒪᒃᑎᕆᓯᒪᓪᓗᑎᒃ ᓄᓇᕗᓕᒫᒥ.

ᖁᕝᕙᖅᑎᑦᓯᒋᐊᕈᑎᐅᔪᑦ ᐱᖁᑎᑦ: ᓴᓇᔨᐅᓯᒪᓪᓗᑎᒃ ᓄᑕᐅᔪᑎᒍᑦ ᖁᕝᕙᖅᑎᑦᓯᒋᐊᕈᑎᐅᓪᓗᑎᒃ ᑐᓴᐅᒪᓕᖅᑎᑦᓯᒋᐊᕈᑎᓂᒃ ᐃᕐᖑᓯᕐᓂᒃ, ᐊᓐᕌᓂᒃ, ᐊᔾᔨᓕᐅᖅᑕᐅᕕᖕᒥ ᓱᓇᖁᑎᔅᓴᓂᒃ, ᐊᒻᒪᓗ ᐃᕐᖑᓯᕐᓄᑦ ᑐᖖᒐᕕᓐᓂᒃ ᑐᓴᐅᒪᓕᖅᑎᑦᓯᒋᐊᕐᓂᕐᒥᓐᓂ.