ᐊᑏ-ᒎ ᑕᑯᒃᓴᑎᒍᑦ ᓯᐊᒻᒪᖅᑎᑦᓯᓂᖅ ᐃᓗᐃᑦᑑᓪᓗᑎ ᐱᔨᑦᓯᕋᖅᑎᐅᔪᑦ ᑐᓴᐅᒪᔪᓕᕆᓂᕐᒧᑦ ᑐᕌᒐᖃᖅᓱᑎ ᐅᐸᓗᖓᐃᔭᕐᓂᒃᑯᑦ ᑐᓴᐅᒪᔪᓕᕆᓂᕐᒥᑦ, ᐃᓄᓕᒫᓄᑦ ᓂᐅᕕᐊᑦᓴᖃᕋᓱᐊᕐᓂᕐᒥᑦ, ᐊᖓᔪᖅᑳᖃᕐᕕᓐᓄᑦ ᑕᕐᕆᔮᑦᓴᓂᑦ ᐊᒻᒪᓗ ᓴᓇᒪᓂᖏᓐᓄᑦ ᐋᖅᑭᐅᒪᑎᑦᓯᓂᕐᒥᑦ ᐸᐃᑉᐹᑎᒍᑦ, ᐃᑭᐊᖅᑭᕕᒃᑯᑦ ᐊᒻᒪᓗ ᐊᔾᔨᒌᙱᑦᑐᒃᑯᑦ ᑕᑯᑦᓴᑎᒍᑦ ᓯᐊᒻᒪᖅᑎᑦᓯᓂᕐᒥᑦ ᓱᓇᒃᑯᑖᓄᑦ.
ᑕᐃᒪᙵᓂ 2003-ᒥ, ᐊᑐᐃᓐᓇᐅᑎᑦᓯᓯᒪᔪᒍᑦ ᐊᑭᑐᓗᐊᙱᑦᑐᓂᑦ ᓱᓇᒃᑯᑖᓂᑦ ᐊᔾᔨᒌᙱᑦᑐᓄᑦ ᐱᔨᑦᓯᕋᕈᑕᐅᖃᑦᑕᖅᑐᑦ ᐱᒋᐊᖃᖅᑕᖏᓐᓄᑦ ᐊᒻᒪᓗ ᐱᔨᑦᓯᕋᖅᑎᓪᓗᐊᑕᐅᓪᓗᑕ ᐅᑭᐅᖅᑕᖅᑐᒥ ᑐᓴᐅᒪᔪᓕᕆᓂᕐᒧᑦ ᓄᓇᕗᒻᒥ. ᐱᓕᕆᖃᑎᒌᖁᑎᑉᐳᑦ ᐱᓕᕆᓂᑰᔪᑦ ᐊᑐᐃᓐᓇᐅᑎᑦᓯᓂᕐᒥᑦ ᐱᓕᕆᐊᑦᓴᓂᑦ ᓇᓗᓇᐃᒃᑯᑕᓕᐅᕐᓂᕐᒥᑦ ᐊᒻᒪᓗ ᓂᐅᕕᐊᑦᓴᖃᕋᓱᐊᕐᓂᕐᒥᑦ ᐃᓄᓕᒫᓄᑦ ᐃᓕᓐᓂᐊᖅᑎᑦᓯᒐᓱᐊᕐᓂᕐᒧᑦ, ᐅᖓᓯᑦᑐᒧᑦ ᐅᕝᕙᓘᓐᓃᑦ ᕿᓚᒥᑯᓗᒃ ᒐᕙᒪᒃᑯᓐᓄᑦ ᐱᓕᕆᐊᑦᓴᓂᑦ, ᐊᒻᒪᓗ ᐊᑕᐅᓯᐊᑐᐃᓐᓇᕐᓗᑎ ᓴᖅᑭᔮᖅᑎᑦᓯᓂᕐᒥᑦ. ᐱᓕᕆᐊᑦᓴᒥᑦ ᐱᒍᓐᓇᖅᑐᒍᑦ ᐱᒋᐊᕐᖓᕐᓂᖓᓂ ᑲᔪᓯᑎᑦᓯᓂᕐᒥᑦ ᐊᑐᓂ ᓄᓇᓕᓕᒫᓂ ᓄᓇᕗᒻᒥ.
ᐱᔨᑦᓯᕋᖅᐸᑦᑕᕗᑦ ᐊᒥᓲᔪᑦ ᐊᒻᒪᓗ ᐃᓚᖃᖅᑐᖅ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂ ᐊᒻᒪᓗ ᒐᕙᒪᑐᖃᒃᑯᓐᓂ, ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ, ᓇᒻᒥᓂᖃᖅᑎᐅᔪᓂ, ᐊᒻᒪᓗ ᐊᓯᓱᓂᑦ ᑮᓇᐅᔾᔭᕋᓱᐊᙱᑦᑐᓂᑦ ᐊᒻᒪᓗ ᑐᓂᖅᑯᓯᐊᓲᓂᒃ ᑲᑐᔾᔨᖃᑎᒌᖑᔪᓂ. ᑐᑭᓯᐅᒪᓂᖃᑦᓯᐊᖅᑐᒍᑦ ᓄᓇᕗᒻᒥ, ᐃᓅᖃᑎᒌᓂᕐᒧᑦ ᑮᓇᐅᔾᔭᓴᕐᓂᕐᒧᑦ ᐃᓱᒫᓘᑕᐅᔪᓄᑦ ᐊᒻᒪᓗ ᐃᓕᖅᑯᓯᒃᑯᑦ ᐊᔾᔨᐅᙱᓐᓂᕆᔭᖓᓂ, ᐱᓕᕆᓂᑰᑦᓯᐊᖅᑐᒍᑦ ᐅᑭᐅᖅᑕᖅᑐᒥᐅᑕᐅᓂᕐᒥᑦ.
ᐋᖅᑭᑦᓱᐃᓲᖑᔪᒍᑦ ᓱᓇᒃᑯᑖᓂᑦ ᑕᒪᐃᓐᓂᒃ ᓄᓇᕗᒻᒥ ᐃᓕᓴᕆᔭᐅᓯᒪᔪᓂᑦ ᐅᖃᐅᓯᕐᓂᒃ ᐊᔾᔨᒌᙱᑦᑐᒃᑯᑦ ᑕᑯᑦᓴᑎᒍᑦ ᓯᐊᒻᒪᖅᑎᑦᓯᓂᒃᑯᑦ ᐃᓚᒋᓪᓗᓂᐅᒃ ᐸᐃᑉᐹᑎᒍᑦ, ᐃᑭᐊᖅᑭᕕᒃᑯᑦ, ᐃᓅᖃᑎᒌᓐᓂᕐᒧᑦ ᓯᐊᒻᒪᖅᑎᑦᓯᓂᒃᑯᑦ, ᑕᑯᑦᓴᐅᑎᑦᓯᓂᒃᑯᑦ ᐊᒻᒪᓗ ᐊᕕᑦᑐᖅᓯᒪᔪᓂ ᑕᓚᕖᓴᒃᑯᑦ, ᓈᓚᐅᑎᒃᑯᑦ, ᐊᒻᒪᓗ ᐅᖃᓕᒫᖅᑕᐅᓲᓂᑦ ᐱᕙᓪᓕᐊᔪᒃᑯᑦ. ᐅᖃᐅᓯᕐᓂᒃ ᒪᕐᕉᓐᓂᒃ ᐅᖃᕈᓐᓇᑦᓯᐊᖅᑐᒍᑦ ᐊᒻᒪᓗ ᐱᔨᑦᓯᕋᐅᑎᓂᑦ ᐊᑐᐃᓐᓇᐅᑎᑦᓯᒍᓐᓇᖅᑐᒍᑦ ᖃᓪᓗᓈᑎᑐᑦ, ᐅᐃᕖᑎᑐᑦ ᐅᕝᕙᓘᓐᓃᑦ ᐃᓄᒃᑎᑐᑦ.
ᐱᓯᒪᑦᓯᓯᒪᔪᒍᑦ ᐊᑭᓕᖅᑕᐅᕙᓪᓕᐊᓂᕐᒥᑦ ᐊᑭᑦᑐᕋᐅᑎᒃᑯᑦ ᓄᓇᕗᑦ ᒐᕙᒪᒃᑯᓐᓂ ᑐᓴᐅᒪᔪᓕᕆᓂᕐᒧᑦ ᓴᓇᒪᔪᓕᕆᓂᕐᒧᑦ ᐱᔨᑦᓯᕋᐅᑎᓄᑦ ᐊᕐᕌᒍᑦ ᖁᓖᑦ ᐅᖓᑖᓄᑦ − ᓴᖅᑭᔮᖅᑎᑦᓯᕗᖅ ᑲᔪᓯᓂᖃᑦᓯᐊᖅᓯᒪᓂᑦᑎᓐᓂ ᐊᑐᐃᓐᓇᐅᑎᑦᓯᓂᕐᒥᑦ ᐱᐅᔪᒻᒪᕆᓐᓂᒃ ᓱᓇᒃᑯᑖᓂᑦ ᐱᓕᕆᔨᒻᒪᕆᐅᓪᓗᑕ ᐱᔨᑦᓯᕋᕐᓂᕐᒧᑦ.
ᐊᑏ-ᒎ ᑕᑯᒃᓴᑎᒍᑦ ᓯᐊᒻᒪᖅᑎᑦᓯᓂᖅ 100 ᐳᓴᓐᑎᒥᒃ ᓇᒻᒥᓂᕆᔭᐅᔪᖅ ᐊᒻᒪᓗ ᓄᓇᕗᒻᒥ ᓇᒻᒥᓂᕆᔭᐅᔪᓂᒃ ᐃᑲᔪᕐᓂᕐᒥᑦ ᐊᑎᓕᐅᖅᓯᒪᓪᓗᑎ ᓄᓇᕗᑦ ᒐᕙᒪᒃᑯᖏᓐᓄᑦ.