ᐊᑏᖃᑎᒌᑦ

ᓄᓇᕗᒻᒥᐅᑕᐅᓂᑰᓪᓗᓂ ᐊᕙᑎᑦ ᐊᕐᕌᒍᐃᑦ ᐅᖓᑖᓄᑦ, ᑑᓂ ᑐᑭᓯᐅᒪᔪᖅ ᐊᑦᓱᕈᕈᑕᐅᖃᑦᑕᖅᑐᓂᑦ ᑲᔪᓯᑎᑦᓯᒐᓱᐊᕐᓂᕐᒥᑦ ᑐᓴᐅᒪᔪᓕᕆᓂᕐᒧᑦ ᓱᓇᒃᑯᑖᓂᑦ ᐊᖏᔪᒥᑦ ᐊᒻᒪᓗ ᐊᑦᓱᕈᕐᓇᖅᑐᒥᑦ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᒥ. ᐱᓕᕆᐊᖃᖅᓯᒪᓪᓚᕆᓐᓂᖓ ᓄᓇᕗᒻᒥ ᒐᕙᒪᒃᑯᓐᓂ, ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓂ, ᐃᓅᓯᕐᒧᑦ ᑮᓇᐅᔾᔭᓴᓐᓂᕐᒧᓪᓗ ᐃᓱᒫᓘᑕᐅᔪᓄᑦ, ᒐᕙᒪᓕᕆᓂᕐᒥᑦ, ᐊᕕᑦᑐᖅᓯᒪᔪᒥ ᐊᔾᔨᒌᙱᓐᓂᐅᔪᓂ, ᐃᓕᖅᑯᓯᕐᒥ, ᐱᖅᑯᓯᕐᓂ, ᐊᒻᒪᓗ ᐅᖃᐅᓯᖅ ᐱᕕᖃᖅᑎᑦᓯᔪᖅ ᑑᓂᒥᑦ ᐸᕐᓇᑦᑎᐊᕈᓐᓇᕐᓂᐊᕐᒪᑦ ᐊᒻᒪᓗ ᑲᔪᓯᑎᑦᓯᓗᓂ ᐱᓕᕆᐊᑦᓴᓂᑦ ᑐᕌᖓᑦᓯᐊᖅᑐᓂᑦ ᐱᔨᑦᓯᕋᖅᑕᒥᓄᑦ ᐊᒻᒪᓗ ᓄᓇᓕᐅᔪᓄᑦ.

ᑕᐃᒪᙵᓂ ᐱᒋᐊᖅᑕᐅᔪᒻᒪ ᐊᑏ−ᒎ 2003-ᒥ, ᐱᓕᕆᐊᖃᖅᓯᒪᔪᖅ ᐱᕐᔪᐊᓂ ᑐᓴᐅᒪᔪᓕᕆᓂᕐᒧᑦ ᐱᓕᕆᐊᑦᓴᓂᑦ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂ ᐊᒻᒪᓗ ᒐᕙᒪᑐᖃᒃᑯᓐᓄ, ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ ᐊᒻᒪᓗ ᓇᒻᒥᓂᖃᖅᑎᐅᔪᓄᑦ. ᑑᓂ ᓯᕗᓕᖅᑎᐅᓚᐅᖅᑐᖅ ᐊᑏ−ᒎᒃᑯᑦ ᒫᓐᓇᕈᓘᓚᐅᖅᑐᖅ ᐱᓕᕆᖃᑎᖃᖅᑎᓪᓗᒋᑦ ᓄᓇᕗᑦ ᒐᕙᒪᖓᓂ ᓴᖅᑮᓂᕐᒥᑦ ᐃᓄᓕᒫᓄᑦ ᐅᔾᔨᕈᓱᓕᖅᑎᑦᓯᓂᕐᒥᑦ ᐃᓱᒫᓘᑕᐅᔪᓂᒃ ᓲᕐᓗ ᑐᐹᑭᒥᑦ ᐊᑐᙱᓐᓂᖅᓴᐅᓂᕐᒥᑦ, ᐊᑐᑦᓯᐊᕐᓂᕐᒥᑦ ᐃᒥᐊᓗᒻᒥ ᐊᒻᒪᓗ ᐱᕈᖅᑐᕕᓂᕐᒥ.

ᖃᐅᔨᒪᓂᖃᑦᓯᐊᖅᑐᖅ ᖃᐅᑕᒫᑦ ᐊᐅᓚᑦᓯᔾᔪᑎᓂᑦ ᐊᒻᒪᓗ ᐃᓚᐅᖃᑕᐅᑦᓯᐊᖅᑐᖅ ᐊᑏ−ᒎᒃᑯᑦ ᐊᖏᓂᖅᓴᓂᑦ ᐱᓕᕆᐊᑦᓴᖏᓐᓄᑦ. ᑕᐃᒪᙵᓂ ᐃᓚᐅᓕᔪᒻᒪᑦ ᑲᒻᐸᓂᐅᔪᒧᑦ 2006-ᒥ, ᐱᓕᕆᐊᖃᖅᓯᒪᔪᖅ ᐊᔾᔨᒌᙱᑦᑐᓂᑦ ᐱᓕᕆᐊᑦᓴᓂᑦ ᐱᔨᑦᓯᕋᖅᑕᐅᔪᓄᑦ ᑭᒡᒐᖅᑐᐃᔪᓂᑦ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂ ᐊᒻᒪᓗ ᒐᕙᒪᑐᖃᒃᑯᓐᓂ, ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ ᐊᒻᒪᓗ ᓇᒻᒥᓂᖃᖅᑎᐅᔪᓄᑦ. ᒪᐃᓖᓐ ᐸᐃᑉᐹᖅᑖᖅᓯᒪᔪᖅ ᑎᑎᖅᑐᒐᐅᔭᕐᓂᕐᒥᑦ ᓴᓇᒪᓂᕐᒥᑦ, ᐃᓕᓐᓂᐊᖅᓯᒪᑦᓯᐊᖅᑐᓂ ᐊᔾᔨᙳᐊᓂᑦ ᓴᓇᒪᓂᕐᒥᑦ.

ᐱᓕᕆᐊᕆᕙᑦᑕᖏᑦ ᐊᔾᔨᒌᙱᑦᑐᓂᑦ ᐸᐃᑉᐹᑎᒍᑦ ᐊᒻᒪᓗ ᐃᑭᐊᖅᑭᕕᒃᑯᑦ ᐱᓕᕆᐊᑦᓴᓂᑦ ᓴᖅᑭᔮᖅᑎᑦᓯᔪᑦ ᐊᔪᙱᑕᒥᓂ ᑲᑎᖅᓱᐃᓂᕐᒥᑦ ᐃᓱᒪᑐᓂᕐᒥᑦ ᐃᓱᒪᑦᓴᖅᓯᐅᖅᓯᒪᑦᓯᐊᖅᑐᒃᑯᑦ ᐱᔭᐅᔭᕆᐊᓕᓐᓂᒃ ᐊᔾᔨᐅᙱᑦᑐᓄᑦ ᐱᔨᑦᓯᕋᕈᑕᐅᔪᓄᑦ. ᒥᓚᓂ ᐃᖅᑲᓇᐃᔭᖅᓯᒪᓕᖅᑐᖅ ᐊᑏ-ᒎ ᑕᑯᒃᓴᑎᒍᑦ ᓯᐊᒻᒪᖅᑎᑦᓯᓂᒃᑯᓐᓄᑦ ᑕᐃᒪᙵᓂ 2004-ᒥ, ᐊᒻᒪᓗ ᐃᖃᓗᓐᓂᕐᒥᐅᑕᐅᓕᖅᑐᖅ ᐊᕐᕌᒍᓄᑦ ᒪᕐᕉᓐᓄᑦ ᓇᑉᐸᖓᓂᓪᓗ.

ᐸᐃᑉᐹᖅᑖᖅᓯᒪᔪᖅ ᑎᑎᖅᑐᒐᐅᔭᕐᓂᕐᒥᑦ ᐊᒻᒪᓗ ᓴᓇᒪᓂᕐᒥᑦ, ᐃᓕᓐᓂᐊᖅᓯᒪᑦᓯᐊᖅᑐᓂ ᐊᔾᔨᙳᐊᓂᑦ ᓴᓇᒪᓂᕐᒥᑦ. ᐱᔭᕇᖅᓯᓯᒪᒻᒥᔪᖅ ᐃᓕᓐᓂᐊᕈᑎᑦᓴᓂᑦ ᐃᓄᒋᐊᓄᑦ ᑐᓴᐅᒪᔪᓕᕆᓂᕐᒥᑦ ᐊᒻᒪᓗ ᐸᐃᑉᐹᖅᑖᖅᓯᒪᓪᓗᓂ ᑲᑐᔾᔨᖃᑎᒌᖑᔪᓂ ᓴᓇᒪᔪᓕᕆᔨᓂᑦ ᑲᓇᑕᒥ.

ᒫᓐᓇᕈᓘᓚᐅᖅᑐᖅ, ᒥᓚᓂ ᐱᓕᕆᐊᖃᓚᐅᖅᑐᖅ ᓴᓇᒪᑎᑦᓯᓂᕐᒥᑦ ᑖᑦᓱᒪᖓ “ᐅᔾᔨᖅᓱᖅᑕ” ᓄᓇᕗᑦ ᒐᕙᒪᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᖏᓐᓄᑦ. ᑖᓐᓇ ᐱᓕᕆᐊᑦᓴᖅ ᐱᓚᖃᖅᑐᖅ ᓇᓗᓇᐃᒃᑯᑕᓕᐅᕐᓂᕐᒥᑦ, ᐸᐃᑉᐹᑎᒍᑦ, ᖃᐅᔨᔭᐅᓇᓱᐊᕐᓂᕐᒥᑦ, ᐊᒻᒪᓗ ᑕᑯᑦᓴᐅᑎᑦᓯᓂᕐᒧᑦ ᐃᓗᓕᖏᑦ ᐊᑑᑎᓕᒻᒪᕆᐅᓂᕋᖅᑕᐅᓚᐅᖅᑐᖅ ᑕᑯᑦᓴᐅᔪᓂᑦ ᐱᓕᕆᐊᖃᕐᓂᕐᒧᑦ.

ᑭᐊᓕ ᐊᔪᙱᓐᓂᖃᑦᓯᐊᖅᑐᖅ ᐱᓕᕆᐊᖃᕐᓂᕐᒥᑦ ᑕᒻᒪᖅᓯᒪᙱᑦᑐᓂᑦ ᐱᔭᐅᔭᕆᐊᓕᓐᓂᒃ ᖃᐅᔨᓴᕐᓂᕐᒥᑦ, ᖃᓄᖅᑑᕐᓂᕐᒥᑦ, ᖃᐅᔨᕐᓂᕐᒥᑦ ᐱᔭᕆᐊᑐᔪᓂᑦ, ᐅᐸᓗᖓᖏᔭᕐᓂᒃᑯᑦ ᐸᕐᓇᐃᓂᕐᒥᑦ, ᐊᒻᒪᓗ ᐊᐅᓚᑦᓯᓂᕐᒥᑦ ᐱᓕᕆᐊᑦᓴᓂᑦ ᐊᔾᔨᒌᙱᑦᑐᓂ ᐊᖏᓂᖃᖅᑐᓂᒃ ᐊᒻᒪᓗ ᐊᑦᓱᕈᕐᓇᖅᑐᓂᑦ.

ᐊᐅᓚᑦᓯᓯᒪᔪᖅ ᐱᓕᕆᐊᑦᓴᓂᑦ ᒥᑭᔫᑎᓂᑦ ᐃᑭᐊᖅᑭᕕᓐᓂ ᐊᖏᔫᑎᓄᑦ ᑐᖅᑯᖅᑕᐅᓯᒪᔪᒃᑯᕕᓐᓄᑦ ᐃᑭᐊᖅᑭᕕᓐᓄᑦ ᐃᓗᓕᖏᓐᓄᑦ ᐊᐅᓚᑦᓯᓂᕐᒧᑦ ᐱᓕᕆᔾᔪᑎᓄᑦ ᑕᐃᒪᙵᓂ 2003-ᒥ. ᐊᕐᕌᒍᓄᑦ ᓯᑕᒪᓄᑦ, ᐱᓕᕆᔨᒻᒪᕆᐅᓂᑰᔪᖅ ᖃᕋᓴᐅᔭᓕᕆᔾᔪᑎᒧᑦ (Drupal) ᑐᙳᕕᐅᔪᒧᑦ ᐊᒻᒪᓗ ᐱᓕᕆᓂᑰᔪᖅ ᐱᔨᑦᓯᕋᖅᑕᐅᔪᓄᑦ ᐅᑭᐅᖅᑕᖅᑐᒥ ᐊᕕᑦᑐᖅᓯᒪᔪᓂ ᒐᕙᒪᒃᑯᑦ ᐱᓕᕆᕝᕕᖏᓐᓄᑦ, ᓄᓇᕗᒻᒥ ᐃᓄᐃᑦ ᑲᑐᔾᔨᖃᑎᒌᒃᑯᖏᓐᓄᑦ, ᑮᓇᐅᔾᔭᕋᓱᐊᙱᑦᑐᓄᑦ ᑲᑐᔾᔨᖃᑎᒌᖑᔪᓄᑦ, ᐊᒻᒪᓗ ᓇᒻᒥᓂᕆᔭᐅᔪᓄᑦ ᓄᓇᕘᓕᒫᒥ.

ᒫᓐᓇᕈᓘᓚᐅᖅᑐᖅ ᐱᓕᕆᐊᑦᓴᑦ ᓯᕗᒧᐊᕈᑕᐅᓚᐅᖅᑐᑦ ᑭᐊᓕᒧᑦ ᐃᓚᖃᖅᑐᑦ ᐃᑭᐊᖅᑭᕕᓐᓂ ᐋᖅᑭᑦᓱᖅᑕᐅᓯᒪᔪᑦ ᓄᓇᕗᒻᒥ ᓯᕗᓕᖅᑎᐅᑉ ᑎᑎᕋᕐᕕᖓᓄᑦ, ᓄᓇᕗᒻᒥ ᓂᕈᐊᖅᑐᓕᕆᔨᒃᑯᑦ, ᐊᒻᒪᓗ ᓄᓇᕗᑦ ᒐᕙᒪᒃᑯᑦ ᒪᓕᒐᓕᐅᕐᕕᖓᓄᑦ ᐊᒻᒪᓗ ᐋᓐᓂᐊᖃᕐᓇᙱᑦᑐᓕᕆᔨᒃᑯᖏᓐᓄᑦ.

ᐱᐊᓂ ᓄᑖᖑᓂᖅᐹᖑᔪᖅ ᐃᓚᒋᔭᐅᓪᓗᓂ ᐊᑏ−ᒎ ᐱᓕᕆᖃᑎᒌᖏᓐᓄᑦ ᐱᓯᒪᑦᓯᑐᐃᓐᓇᖏᑦᑐᖅ ᓇᒻᒥᓂᖃᕐᓂᕐᒧᑦ ᖃᐅᔨᒪᔨᑕᕐᔪᐊᖑᓂᕐᒥᑦ, ᑭᓯᐊᓂ ᐱᐅᔪᒻᒪᕆᒻᒥᒃ “ᐊᔪᕐᓇᖏᑦᑐᖅ” ᐃᓱᒪᓂᕐᒥᑦ ᐃᓚᖃᖅᓱᓂ ᑲᑐᔾᔨᖃᑎᖃᕐᓂᒃᑯᑦ, ᐋᖅᑭᑦᓱᐃᓂᕐᒥᑦ ᑐᙵᕕᖃᖅᓱᓂ ᐱᓕᕆᔾᔪᓯᕐᒥᑦ ᐱᓕᕆᐊᖃᕐᓂᕐᒧᑦ.

ᐱᐊᓂ ᓯᕗᓪᓕᖅᐹᖏᓐᓂᒃ ᐊᕐᕌᒍᓂᑦ 7-ᓂᒃ ᐃᖅᑲᓇᐃᔮᕐᒥᓂᒃ ᓂᐅᕕᐊᑦᓴᖃᕋᓱᐊᕐᓂᕐᒥᑦ ᐊᒻᒪᓗ ᓴᖅᑭᔮᖅᑎᑦᓯᓂᕐᒥᑦ ᑐᕌᓐᑐᒥ ᐊᒻᒪᓗ ᕼᐊᓕᕚᒃᓯᒥ. 2002-ᒥ ᐱᕕᖃᕐᓂᖓᓂ ᑲᔪᓯᑎᑦᓯᓚᐅᖅᑐᖅ ᑐᓴᐅᒪᔪᓕᕆᓂᕐᒧᑦ ᐊᐅᓚᑦᓯᔨᐅᓂᕐᒥᑦ ᓄᓇᕗᑦ ᒐᕙᒪᒃᑯᑦ ᐃᓕᖅᑯᓯᓕᕆᔨᒃᑯᖏᓐᓂ. ᐱᓕᕆᓂᑰᓪᓗᓂ ᐊᒥᓱᓂᑦ ᓄᓇᓕᓐᓂ ᑐᙵᕕᒋᔭᐅᔪᓂᑦ ᐱᒋᐊᕈᑎᑦᓴᓂᑦ ᓲᕐᓗ ᐃᓐᓇᕐᓄᑦ ᒪᒃᑯᒃᑐᓄᓪᓗ ᐱᓕᕆᐊᑦᓴᓄᑦ, ᐅᖃᐅᓯᕐᒥᑦ ᐊᒻᒪᓗ ᐱᖅᑯᓯᕐᒥᑦ ᐊᓯᐅᑎᑦᓯᑕᐃᓕᒪᓂᕐᒥᑦ ᐊᒻᒪᓗ ᓴᖅᑭᔮᖅᑎᑦᓯᓂᕐᒥᑦ, ᐃᑲᔪᕐᓂᕐᒥᓪᓗ ᐋᖅᑭᑦᓱᐃᓂᕐᒥᑦ ᐊᒻᒪᓗ ᓴᖅᑭᔮᖅᑎᑦᓯᓂᕐᒥᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐱᓕᕆᕝᕕᖓᓂ ᐊᒻᒪᓗ ᓯᕗᓪᓕᖅᐹᒥᑦ ᐃᓄᐃᑦ ᖃᐅᔨᒪᔭᑐᖃᖏᑦ ᑲᑎᒪᔨᖏᓐᓂᒃ, ᐅᐱᒍᓱᒻᒪᕆᓚᐅᖅᑐᖅ ᐅᑭᐅᖅᑕᖅᑑᑉ ᐃᓕᖅᑯᓯᖓᓂ ᐊᒻᒪᓗ ᐱᓕᕆᒍᒪᕐᔪᐊᓚᐅᖅᑐᖅ ᓴᐳᔾᔨᓯᒪᒍᒪᓪᓗᓂᐅᒃ. ᐅᐱᒋᓯᒪᓐᓂᖅᐹᕆᔭᖓ ᑲᔪᓯᓂᖃᑦᓯᐊᖅᓯᒪᔪᖅ ᑐᓴᐅᒪᔪᓕᕆᓂᕐᒧᑦ ᓯᕗᓕᖅᑎᐅᓂᕆᓚᐅᖅᑕᖓ ᑖᑦᓱᒧᖓ ᓄᓇᕗᑦ, ᐅᓪᓗᒥᓯᐅᑏᑦ ᓴᓇᐅᒐᑦ ᐅᑭᐅᖅᑕᖅᑐᒥ, ᓯᕗᓪᓕᖅᐹᒥᑦ ᑕᑯᑦᓴᐅᑎᑕᐅᔪᑦ ᐊᐅᓪᓚᕈᔾᔭᐅᓚᐅᖅᑐᑦ ᑲᓇᑕᐅᑉ ᓯᓚᑖᓄᑦ. 2006-ᒥ ᐱᐊᓂ ᓄᑦᑎᓚᐅᖅᑐᖅ ᑭᐊᓪᒋᐊᕆᒧᑦ ᑖᕙᓂ ᐃᖅᑲᓇᐃᔭᓚᐅᖅᑐᖅ ᑭᐊᓪᒋᐊᕆᐅᑉ ᓄᓇᓕᐸᐅᔭᒃᑯᖏᓐᓄᑦ ᐊᕐᕌᒍᓄᑦ 12-ᓄᑦ ᐊᔾᔨᒌᙱᑦᑐᓄᑦ ᐃᓚᒋᓪᓗᓂᐅᒃ ᑐᓴᐅᒪᔪᓕᕆᔨᒃᑯᓐᓄᑦ, ᐃᖅᑲᓇᐃᔭᖅᑐᓕᕆᔨᒃᑯᓐᓄᑦ, ᐃᓕᓐᓂᐊᕐᓂᕐᒧᑦ ᐊᒻᒪᓗ ᐱᕙᓪᓕᐊᑎᑦᓯᓂᕐᒧᑦ, ᐃᓄᓕᕆᓂᖅ ᐊᒻᒪᓗ ᐃᓕᖅᑯᓯᓕᕆᓂᖅ, ᐋᖅᑭᑦᓱᐃᓂᕐᒥᑦ ᐊᓯᔾᔩᓂᕐᒥᑦ ᐊᒻᒪᓗ ᓇᒻᒥᓂᕆᔭᐅᔪᒧᑦ ᐅᐸᓗᖓᐃᔭᐃᓂᕐᒥᑦ. 2017 ᐃᓱᐊᓂ, ᐱᐊᓂ ᐃᖅᑲᓇᐃᔮᕆᔭᒥᓂ ᐊᓯᔾᔩᕈᒪᓕᓚᐅᖅᑐᖅ ᐊᒻᒪᓗ ᐊᓯᐊᓅᖔᓕᓚᐅᖅᑐᖅ ᖃᐅᔨᒃᑲᐃᔨᐅᓂᕐᒧᑦ ᐊᒻᒪᓗ ᐅᑎᕐᓗᓂ ᖁᕕᐊᒋᓂᖅᐹᕆᔭᖓᓄᑦ ᐅᑭᐅᖅᑕᖅᑐᒥ ᐃᖅᑲᓇᐃᔭᕐᓂᕐᒥᑦ.

ᐱᐊᓂ ᓯᕗᓕᖅᑎᐅᓂᐊᖅᑐᖅ ᑐᓴᐅᒪᔪᓕᕆᓂᕐᒧᑦ ᐊᒻᒪᓗ ᐅᐸᓗᖓᐃᔭᕐᓂᕐᒧᑦ ᐸᕐᓇᐃᓂᕐᒥᑦ ᐊᒻᒪᓗ ᐋᖅᑭᐅᒪᑎᑦᓯᓂᕐᒥᑦ ᐊᒻᒪᓗ ᖃᓄᐃᓕᐅᕈᑕᐅᔪᓂᑦ ᐊᐅᓚᑦᓯᓂᕐᒥᑦ.

ᐃᓅᓂᑰᓪᓗᓂ ᐅᖅᑯᐋᓂ ᐳᕌᓐᔅ, ᑕᐃᑲᓂᓗ ᐃᓕᓐᓂᐋᓚᐅᐳᖅ ᑕᕐᕆᔮᒃᓴᓕᐅᕐᓂᕐᒥᒃ ᐊᒻᒪᓗ ᐊᔾᔨᓕᐅᕆᖃᑦᑕᕐᓂᕐᒥᒃ, ᑎᕙᐅᑦ ᐊᐅᓪᓛᓚᐅᕐᒪᑦ ᒪᓐᑐᕆᐋᓪᒧᑦ 2005−ᒥ. ᐊᔾᔨᓕᐅᕆᔨ ᐃᖃᓇᐃᔮᒥᒍᑦ ᐊᕙᑎᑦ 20 ᐊᕐᕌᒍᓄᑦ, ᑎᑭᐅᑎᓯᓐᓇᓕᓚᐅᕋᒥ ᑕᕐᕆᔮᒃᓴᓕᐅᕆᔨᑦ ᓴᓇᕕᖓᓄᑦ ᑕᒃᑯᓇᓂᓗ ᑲᔪᓯᑦᑎᐋᖅᑐᐋᓗᓪᓗᓂ ᐃᖃᓇᐃᔭᕐᕕᒋᓕᕐᒪᒋᑦ ᑎᑭᐅᒪᓕᖅᑐᒃᓴᐅᔪᓄᑦ 6 ᐊᕐᕌᒍᓄᑦ. ᑎᕙᐅᑦ ᓅᓚᐅᕐᒪᑦ ᐃᖃᓗᓐᓄᑦ 2017−ᒥ ᒪᑯᓇᓂᓗ ᐱᓕᕆᒍᒻᒪᓂᖃᑦᑎᐋᕐᕕᒋᔭᒥᓂ ᓴᓇᖃᑦᑕᕐᓗᓂ ᐱᐅᔪᐋᓗᓐᓂᒃ ᐊᔾᔨᙳᐋᓂᒃ ᐊᒻᒪᓗ ᐊᑦᕆᔮᒃᓴᑦ ᐃᓗᓕᒋᓐᓂᒃ.

ᐊᒃᓱᐋᓗᒃ ᐱᓕᕆᔪᓇᔅᓯᐋᖅᑐᖅ ᐊᒥᓱᓂ ᖃᓄᐃᓘᕈᑕᐅᓱᓂ ᐊᔾᔨᓕᐅᒐᕐᓂ ᐊᒻᒪᓗ ᑕᕐᕆᔮᒃᓴᓕᐊᖑᓲᓂ ᓴᓇᔭᐅᓂᖏᓐᓂ, ᑎᕙᐅᑦ ᖃᐅᔨᒪᔭᐅᒻᒪᑦ ᐱᓕᕆᔾᔪᑎᒃᓴᖃᑦᑎᐋᓱᖑᒻᒪᑦ ᐊᒻᒪᓗ ᖃᓄᖅᑑᑦᑎᐋᓱᖑᓪᓗᓂ ᐊᑲᐅᙱᓕᐅᕈᑎᓂᒃ ᐋᖅᑭᒃᓯᓲᖑᓂᕐᒥᓂ. ᑖᓐᓇ ᐊᐅᓚᑦᑎᒻᒪᑦ ᐊᐅᓚᑦᑎᓂᕐᒥᒃ ᐊᒻᒪᓗ ᑲᒪᔨᐅᓂᕐᒥᒃ ᓴᓇᔭᒃᓴᓂᒃ ᑕᕐᕆᔮᒃᓴᓕᐅᕐᓂᕐᒥ ᓴᓇᕙᓪᓕᐋᓂᕐᒧᑦ ᐱᓕᕆᕕᒻᒥ.

ᑕᐃᓗᕐ ᐃᓅᖃᑎᒋᓄᑦ ᐊᒻᒪᓗ ᖃᕋᑕᐅᔭᒃᑯᑦ ᐱᓕᕆᖃᑎᒋᒍᑎᓂᒃ ᐱᓕᕆᐋᖃᓪᓗᐋᑕᑦᑎᐅᒻᒪᑦ ᐃᓅᓚᐅᔅᓯᒪᓪᓗᓂ ᐊᒻᒪᓗ ᐱᕈᔅᓴᓯᒪᓪᓗᓂ ᐋᑐᕚ, ᐊᓐᑎᐅᕆᔪᒥ. ᐱᓕᕆᖃᑦᑕᔅᓯᒪᓪᓗᓂ ᐊᑐᐃᓐᓇᐅᑎᑦᑎᒍᓐᓂᒃ ᐊᒻᒪᓗ ᐱᓕᐅᑎᓂᒻᒥ ᐊᐅᓚᑦᑎᔨᐅᓂᒻᒥᒃ ᑭᓯᐊᓂ ᐱᓕᕆᐋᖃᔅᓯᒪᓕᑦᑐᖅ ᐅᖓᑖᓂ ᐱᖓᓲᔪᑦᑐᑦ ᐊᑕᐅᓯᓪᓗ ᐃᖅᑲᓇᐃᔭᖃᑦᑕᔅᓯᒪᓪᓕᓪᓗᓂ ᓴᓇᖃᑦᑕᓪᓗᓂ ᖁᕕᐋᒋᓗᓂᒋᑦ ᐊᔾᔨᒌᖏᑦᑑᑎᑦ ᓴᓇᕕᖁᑎᑦ, ᐃᓕᑉᐸᓪᓕᐋᒍᒪᐃᓐᓇᑦᑐᓂᓗ ᓄᑖᓂᒃ ᑭᓱᑐᐃᓐᓇᓐᓂᒃ ᐱᕙᓪᓕᐋᖏᓐᓇᑦᑎᓪᓗᒍ. ᐱᒍᒪᓗᐋᙳᐋᓪᓗᓂᒋᑦ ᖁᕕᐊᒋᔭᖓᓂᒃ ᓴᓇᖃᑦᑕᓪᓗᓂ, ᖃᐅᔨᒐᓱᐋᔅᓯᒍᑎᓂᒃ, ᐊᒻᒪᓗ ᑕᐅᑐᒋᐋᔅᓯᒪᔪᓂᒃ ᐊᐅᓚᑦᑎᓂᖅ ᑕᔅᓴᐅᓯᑎᑕᐅᒻᒪᑕ ᐃᖅᑲᓇᐃᔮᕆᔭᖓᒍᑦ ᐱᓕᕆᐋᕆᖃᑦᑕᑦᑕᖏᑦ. ᑲᒪᒋᔭᖃᒻᒪᑦ ᐱᙳᐋᓐᓂᕆᔭᐅᕙᑦᑐᓄᑦ ᓇᓕᖅᑲᖃᐅᑎᖃᕝᕕᒻᒥᒃ ᕿᒥᕐᕈᓂᒻᒥᒃ ᐊᒻᒪᓗ ᖃᐅᔨᓴᔅᓯᓂᒻᒥᒃ, ᐋᖅᑭᓱᐃᓪᓗᓂ ᐃᓅᖃᑎᒋᓄᑦ ᐱᓕᕆᖃᑎᒋᒍᑎᖏᓐᓂᒃ ᐱᓕᕆᒋᐋᕈᑎᔅᓴᒥᒃ, ᐸᕐᓇᓐᓂᒻᒥᒃ ᐊᒻᒪᓗ ᑎᑎᕋᑉᐸᓪᓗᓂ ᖁᕕᐋᒋᔭᖏᓐᓂᒃ, ᐃᓚᒋᔭᐅᓗᑎᒃ ᖃᐅᔨᒪᒋᐋᔅᓯᓂᑦ ᐊᒻᒪᓗ ᖃᐅᔨᓴᔅᓯᓂᑦ ᐃᓅᖃᑎᒋᓄᑦ ᐱᓕᕆᖃᑎᒋᒍᑎᖏᓐᓂᒃ ᓴᓂᕌᓂᑦ ᑭᓱᑐᐃᓐᓇᑦ ᐱᔨᔅᓯᖃᑦᑕᑦᑎᓂᒃ.

ᓯᓚᑖᓂ ᐃᖅᑲᓇᐃᔭᕕᐅᑉ, ᑕᐃᓗᕐ ᐱᒍᒪᓗᐋᙳᐋᑦᑕᖃᒻᒪᑦ ᐱᙳᐋᓐᓂᐅᔪᓂᒃ ᐊᒻᒪᓗ ᑕᐅᑐᓪᓗᓂᒋᑦ ᐱᓕᐅᑎᔪᑦ, ᐱᓗᐊᙳᐋᑦᑐᒥᒃ ᐊᖅᑭᔩᑦ ᐊᒻᒪᓗ ᐊᖅᓴᖅᑏᑦ. ᑕᐃᓗᕐ ᓈᒻᒪᓪᓗᓂ−ᐅᓪᓚᐅᑎᔪᓂ ᐅᓪᓚᑦᑎᖃᑕᐅᓲᖑᒻᒥᒻᒪᑦ ᐱᒍᒪᓂᖃᕝᕕᒋᓪᓗᓂᒋᑦ ᐊᐅᓪᓚᖃᑦᑕᓪᓗᓂ ᓄᓇᕐᔪᐋᒥ ᐅᓪᓚᕝᕕᐅᕙᑦᑐᓂᒃ ᐅᓪᓚᐅᑎᔪᓄᑦ ᑲᔾᔮᓐᓇᑦᑐᓂᒃ ᐅᐸᒐᔅᓴᐅᔪᓂᒃ.

ᐊᔪᙱᑦᑐᐊᓗᒃ, ᐱᓕᕆᑦᓯᐊᒃᑳᓗᒃ ᐊᒻᒪᓗ ᓴᓇᒪᔪᓕᕆᔨᒻᒪᕆᐅᓪᓗᓂ ᐊᕐᕌᒍᓄᑦ 20 ᐅᖓᑖᓄᑦ ᐱᓕᕆᓂᑰᓪᓗᓂ ᓂᐅᕕᐊᑦᓴᖃᕋᓱᐊᕐᓂᕐᒥᑦ ᐊᒻᒪᓗ ᑐᓴᐅᒪᔪᓕᕆᓂᕐᒥᑦ. ᐃᓕᓐᓂᐊᖅᓯᒪᑦᓯᐊᖅᑐᓂ ᓴᓇᒪᓕᕆᓂᕐᒧᑦ ᓯᐊᕆᑕᓐ ᓯᓚᑦᑐᖅᓴᕐᕕᖓᓂ, ᐃᓕᓐᓂᐊᕐᕕᒃ ᓴᓇᓂᕐᒧᑦ ᐊᒻᒪᓗ ᖃᕋᓴᐅᔭᓕᕆᔾᔪᑎᓄᑦ, ᐋᓐᑐᕋᐃ ᐊᔾᔨᒌᙱᑦᑐᓂᑦ ᐊᔪᙱᑕᒥᓂ ᐊᑐᖃᑦᑕᖅᑐᖅ ᓴᖅᑮᓂᕐᒥᑦ ᐋᖅᑭᒋᐊᕈᑎᑦᓴᓂᑦ ᐊᑑᑎᖃᖅᑐᓂᒃ ᐊᒻᒪᓗ ᐃᖅᑲᓇᐃᒪᓇᖅᑐᓂᒃ.

ᐃᖅᑲᓇᐃᔭᖃᑎᖃᖅᓯᒪᓪᓗᓂ ᐊᔾᔨᒌᙱᑦᑐᓂᑦ ᐱᔨᑦᑎᕋᕈᑕᐅᔪᓂᒃ ᐱᒋᐊᓕᕋᑖᖅᑐᓂᑦ ᐊᖏᔫᑎᓄᑦ ᑯᐊᐸᕇᓴᓄᑦ, ᐋᓐᑐᕋᐃ ᖁᕕᐊᓱᐃᓐᓇᐅᔭᖅᑐᖅ ᖃᐅᔨᓇᓱᐊᕐᓂᕐᒥᑦ ᓴᓇᒪᑎᑦᓯᓂᕐᒥᑦ ᐊᔾᔨᒌᙱᑦᑐᒃᑯᑦ, ᑲᔪᓯᓂᖃᖅᓱᓂ ᐱᐅᓯᕚᓪᓕᖅᑎᑦᓯᓂᕐᒥᑦ ᐊᒻᒪᓗ ᐃᓕᓐᓂᐊᕐᓂᕐᒥᑦ ᑭᓱᑐᐃᓐᓇᕐᒥᑦ ᓄᑖᖑᔪᒥ ᖃᐅᑕᒫᑦ ᐊᒻᒪᓗ ᐃᓕᓴᖅᓯᓲᖅ ᐃᓱᒪᒋᔭᖏᑦ ᓴᖅᑭᓪᓗᓂᒋᑦ ᓴᓇᒪᔪᓕᕆᓂᖅ ᐊᓯᔾᔨᖅᐸᓪᓕᐊᖏᓐᓇᐅᔭᖅᑎᓪᓗᒍ.

ᓴᓇᒪᔪᓕᕆᔨᒻᒪᕆᐅᓪᓗᓂ ᐋᓐᑐᕋᐃ ᐃᓱᒪᑐᔪᓂᑦ ᐱᓕᕆᖃᑎᒌᖑᔪᓂᑦ ᐃᖅᑲᓇᐃᔭᖃᑎᖃᓲᖅ ᐋᖅᑭᑦᓱᐃᓂᕐᒥᑦ ᑕᑯᑦᓴᐅᑎᑦᓯᔪᒻᒪᕆᐊᓗᓐᓂᒃ ᓱᓇᒃᑯᑖᓂᑦ ᐱᔨᑦᓯᕋᖅᑕᕗᑦ ᓈᒻᒪᒋᔭᖏᓐᓂᒃ ᐊᒻᒪᓗ ᑐᕌᖅᑕᐅᓇᓱᐊᖅᑐᓄᑦ.

ᐃᓅᓕᓚᐅᖅᓯᒪᔪᖅ ᐊᒻᒪᓗ ᐱᕈᖅᓴᓯᒪᓪᓗᓂ ᕼᐋᒧᓪᑕ, ᐊᓐᓂᐊᕆᐅᒥ, ᕋᐃᐊᓐ ᐃᖅᑲᓇᐃᔮᖃᓕᓚᐅᖅᓯᒪᔪᖅ ᑕᐅᑦᑐᕆᔭᒃᓴᓕᐅᖅᑎᐅᓂᕐᒧᑦ ᐃᓕᓐᓂᐊᕌᓂᒍᑎᓯᒪᓕᕐᓂᐊᓵᖅᓱᓂᐅᒃ ᓯᓂᑲ ᓯᓚᑦᑐᖅᓴᖅᕕᖓᑕ ᐅᑐᑦᑐᕆᔭᒃᓴᓕᐅᖅᑎᐅᓂᕐᒧᑦ ᐱᓕᕆᐊᒧᑦ 2003-ᒥ. ᑕᐃᒪᖖᒐᓂᓪᓗ, ᐊᖏᔪᒻᒪᕆᒻᒥᒃ ᐱᓕᕆᓂᖃᖅᓯᒪᓕᕐᓱᓂ ᐊᒻᒪᓗ ᖃᐅᔨᒪᓂᖃᑦᓯᐊᒻᒪᕆᒃᓱᓂ ᐱᓕᕆᐊᖃᖅᑎᐅᓂᕐᒧᑦ ᓂᐅᕕᕐᕕᐅᔪᓄᑦ ᐊᑐᑦᑐᒃᓴᓕᐅᖅᑎᐅᓂᕐᒧᑦ ᓴᓇᕝᕕᖕᓂᑦ ᐊᒻᒪᓗ ᐃᖅᑲᓇᐃᔭᕐᕕᒻᒥ ᑕᐅᑦᑐᕆᔭᒃᓴᓕᐅᖅᑎᐅᓪᓗᑎᒃ ᐃᖅᑲᓇᐃᔭᕐᕕᐅᔪᓄᑦ.

ᕋᐃᐊᓐ ᐃᖅᑲᓇᐃᔮᖓ ᑐᑭᒧᐊᒍᑎᖃᕐᐳᖅ ᓴᖖᒋᓂᖃᑦᓯᐊᖅᑐᒥᒃ ᐅᒃᐱᕆᔭᖃᕐᓂᕐᒥᓄᑦ ᑕᐅᑦᑐᕆᔭᒃᓴᓕᐅᖅᑎᐅᕙᓐᓂᖅ ᓈᒻᒪᖖᒋᓕᕈᑎᐅᓯᒪᔪᓂᒃ ᐋᖅᑭᒋᐊᕈᑎᒃᓴᓄᑦ ᓴᓇᕐᕈᑎᐅᔪᓐᓇᕐᓂᖓᑕ ᐊᒻᒪᓗ ᐱᓕᕆᔾᔪᑎᐅᕙᒍᓐᓇᕐᓂᖓᑕ ᐱᐅᓯᒋᐊᖅᑎᑦᓯᔾᔪᑎᐅᕙᒃᓗᓂ ᑐᓴᐅᒪᖃᑦᑕᐅᑎᓕᕆᔾᔪᑎᓄᑦ. ᐱᓕᕆᓂᖃᖅᓯᒪᑦᓯᐊᖅᑑᕗᑦ ᑎᑎᕋᖅᓯᒪᔪᖁᑎᑦ ᑕᐅᑦᑐᖏᓂᒃ ᐋᖅᑭᒃᓱᐃᔨᐅᔪᓐᓇᕐᓂᕐᒧᑦ ᐊᒻᒪᓗ ᑎᑎᕋᐅᔭᒐᓕᐊᖑᔪᑦ ᑕᐅᑦᑐᕆᓂᐊᖅᑕᖏᓄᑦ ᐊᒻᒪᓗ ᐅᖓᑖᓄᑦ 20 ᐅᑭᐅᓄᑦ ᐃᖅᑲᓇᐃᔭᖅᑎᒻᒪᕆᐅᓯᒪᓪᓗᓂ ᓴᓇᐅᒐᓕᐊᖑᓯᒪᔪᓕᕆᓂᕐᒧᑦ, ᓇᓗᓇᐃᒃᑯᑕᒃᓴᓕᐅᕐᓂᕐᒧᑦ, ᑎᑎᕋᖅᓯᒪᔪᑦ ᑕᐅᑦᑐᕆᓂᐊᖅᑕᖏᓂᒃ ᐊᒻᒪᓗ
ᓂᐅᕝᕈᑎᖃᖃᑦᑕᕐᓂᓕᕆᓂᕐᒧᑦ ᐱᓕᕆᐊᒃᓴᐅᕙᑦᑐᓂᒃ ᐃᓚᖏᓄᑦ ᑲᓇᑕᒥ ᖃᐅᔨᒪᔭᐅᑦᓯᐊᖅᑐᑎᒃ ᓇᓗᓇᐃᒃᑯᑕᕆᔭᐅᓕᖅᑐᓄᑦ. ᖁᕕᐊᒋᔭᖃᖅᐸᒃᑐᖅ ᐱᓕᕆᐊᖃᖅᑎᑦᓯᔨᓂᒃ ᐱᓕᕆᖃᑎᖃᖅᐸᒋᐊᒥᒃ, ᐊᒻᒪᓗ ᐋᖅᑭᒃᓱᐃᔨᐅᕙᓐᓂᕐᒧᑦ ᑕᐅᑦᑐᕆᔭᒃᓴᓕᐅᕐᓂᕐᒥ ᐋᖅᑭᒋᐊᕈᑎᒃᓴᓄᑦ ᐃᑲᔪᕐᓂᖃᓕᖅᑎᑕᐅᓂᐊᕐᓗᑎᒃ ᖃᓄᑐᐃᓐᓇᖅ – ᓂᐅᕝᕈᑎᖃᕐᓂᓕᕆᓂᖅᑎᒍᑦ ᐊᔾᔨᒌᖖᒋᐅᖅᑐᑎᒍᑦ ᐱᓕᕆᓂᐅᕙᑦᑐᓄᑦ, ᓄᑖᑎᒍᑦ ᐱᓕᕆᓂᐅᓕᖅᑐᑎᒍᑦ ᐅᕝᕙᓘᓐᓃᑦ ᐃᓅᓯᓕᕆᓂᕐᒥ ᐊᓯᔾᔩᑎᑦᓯᒪᓕᕆᐊᕐᓂᕐᓄᑦ.

ᐃᓱᒪᑕᐅᓪᓗᓂ ᑕᐅᑦᑐᕆᔭᒃᓴᓕᐅᖅᑎᐅᓪᓗᓂ, ᕋᐃᐊᓐ ᓴᓇᐅᒐᓕᐅᖅᑎᑦ ᐱᓕᕆᐊᖃᖅᑎᖏᓐᓄᑦ ᐃᓚᒋᔭᐅᕗᖅ ᐋᖅᑭᒃᓱᐃᕙᓐᓂᖏᓐᓄᑦ ᑕᑯᔪᒥᓇᖅᑑᑎᓂᒃ ᐊᒻᒪᓗ ᑕᑯᕋᓐᓂᒻᒪᕆᒃᑐᓂᒃ ᑎᑎᕋᖅᓯᒪᔪᓕᐅᖅᑎᓪᓗᒋᑦ ᐱᓕᕆᐊᖃᖅᑎᑦᓯᔨᒋᕙᑦᑕᑦᑎᓐᓄᑦ ᐊᒻᒪᓗ ᑐᕌᕐᕕᐅᓪᓗᑎᒃ ᐋᖅᑭᒃᓱᖅᑕᐅᕙᑦᑐᓄᑦ.

ᒪᑎᓪᑕ ᐃᓅᓚᐅᖅᓯᒪᖕᒪᑦ ᐊᒻᒪᓗ ᐱᖁᒃᓴᓪᓗᓂ ᐃᖃᓗᐃᑦ, ᓄᓇᕗᕐᒥ. ᒪᑎᓪᑕᐅᑉ ᐱᔪᒪᓂᖓ ᑎᑎᕋᐅᔭᖅᓯᒪᔪᓂ ᓴᓇᓯᒪᓂᓕᐅᓐᓂᕐᒥᑦ ᐱᒋᐊᖅᑎᑕᐅᓚᐅᖅᓯᒪᖕᒪᑦ ᐃᓕᓐᓂᐊᕐᕕᐋᓗᖕᒥ ᐃᓚᒋᔭᐅᓕᖅᑎᓪᓗᒍ ᑎᑎᕋᐅᔭᖅᓯᒪᔪᓂᑦ ᓴᓇᓯᒪᓂᓕᐅᕐᓂᕐᒧᑦ ᑲᑎᖃᑎᒋᒃᐸᒃᑐᓂᑦ. ᑕᒪᒃᑯᑎᒎᓇ ᑎᑎᕋᐅᔭᖅᓯᒪᔪᓂᑦ ᓴᓇᓯᒪᓂᓕᐅᕐᓂᒃᑯᑦ ᐊᑭᒃᑐᕋᐅᑎᓂᒃᑯᑦ, ᐃᓱᒪᖅᓱᕐᓗᓂ−ᐱᓕᕆᓗᓂ ᐱᓕᕆᐊᕆᓗᓂᒋᑦ ᐊᒻᒪᓗ ᐃᖃᓇᐃᔭᕐᕕᖃᓪᓗᓂ ᑮᓇᐅᔭᓕᐅᕋᓱᐊᖏᑦᑐᓂᑦ ᐃᖃᓇᐃᔭᕕᖁᑎᓂᑦ ᐃᓕᓐᓂᐊᕐᕕᐋᓗᒃᑯᑦ ᐊᒻᒪᓗ ᓯᓚᑦᑐᖅᓴᕐᕕᒡᔪᐊᒃᑯᑦ, ᒪᑎᓪᑕ ᐱᓯᒪᖕᒪᑦ ᐱᓕᕆᖃᑦᑕᖅᓯᒪᓗᓂ ᐊᒻᒪᓗ ᐃᖃᓇᐃᔮᖃᖃᑦᑕᖅᓯᒪᓪᓗᓂ ᐊᔾᔨᒌᖏᑦᑑᑎᓂᑦ ᐱᓕᕆᐊᒃᓴᓂᑦ. ᐊᔾᔨᐅᖏᑦᑐᒥᑦ ᐱᕈᒃᓴᕕᖃᓂᑰᓂᕐᒧᑦ ᐅᑭᐅᖅᑕᖅᑐᕐᒥ, ᒪᑎᓪᑕ ᑐᑭᓯᐊᓂᖃᑦᑎᐊᕐᒪᑦ ᑕᐅᑐᒡᓗᒋᑦ ᐅᖃᓚᐅᓯᕐᒥᑦ ᐊᒻᒪᓗ ᑐᓴᐅᒪᖃᑎᒋᒍᑕᐅᔭᕆᐊᓕᖕᓂᑦ ᓄᓇᕗᕐᒥ.

ᐱᔭᕇᒃᓯᓚᐅᕐᒪᑦ ᐅᑯᓇᖓᑦ ᐅᑭᐅᖅᑕᖅᑐᕐᒥ ᑭᖑᒃᐸᒐᓱᐊᓂᒻᒧᑦ ᐅᖃᐅᔨᒋᐊᖅᑎᑦ ᑲᑎᒪᔨᕋᓛᖏᑦ(NSCAD) ᓯᓚᑦᑐᖅᓴᕐᕕᒡᔪᐊᖓᓂ ᓅᕙ ᓯᑰᓴ ᓯᓚᑦᑐᖅᓴᕐᕕᒡᔪᐊᖓᓂ ᐱᔭᕇᖅᓯᔪᑎᖃᓪᓗᓂ ᓴᓇᓯᒪᓂᓕᐅᕐᓂᕐᒥᑦ, ᐱᓕᕆᐊᖃᓪᓗᐊᑕᓕᕐᓗᓂ ᐃᓕᓴᔭᒃᓴᐅᑎᑕᐅᔪᓂ ᓴᓇᓯᒪᓂᒃᓴᓕᐅᕐᓂᕐᒥ. ᐊᔾᔨᐅᖏᑦᑐᒥᑦ ᐱᔪᒪᓂᖃᕐᓗᓂ ᑕᐅᑦᑐᖃᓂᖅᓴᓕᐅᕈᒪᓪᓗᓂ, ᖃᓄᐃᑦᑐᕋᔭᐅᓂᖓᓄᑦ ᐊᒻᒪᓗ ᑕᖅᓴᕆᔭᐅᓂᐊᖅᑐᒥᑦ ᓴᓇᓯᒪᓂᓕᐅᕈᒪᓪᓗᓂ, ᐱᓕᕆᓇᓱᐊᕐᒪᑦ ᐱᔭᐅᑎᑦᑎᔪᒪᓪᓗᓂ ᐱᓕᕆᑦᑎᐊᕈᓐᓇᕐᓂᕐᒥᓄᑦ ᐊᒻᒪᓗ ᐱᓕᕆᔪᒪᓂᖃᑦᑎᐊᓂᕐᒥᓄᑦ ᐃᓚᒋᔭᐅᑎᑦᑎᓇᓱᐊᕐᓗᓂ ᓴᓇᓯᒪᓂᓕᐅᕐᓂᕐᒧᑦ ᐱᓕᕆᖃᑎᒌᓄᑦ ᑕᐃᑲᓂ ᐊᑏᒍ ᑐᓴᐅᒪᖃᑎᒌᒃᑎᑦᑎᔪᑎᒥ. ᒫᓐᓇᕋᑖᖑᓚᐅᖅᑐᖅ ᐱᔭᕇᒃᓯᓚᐅᓂᕐᒥᓄᑦ, ᒪᑎᓪᑕ ᖁᕕᐊᓴᖕᒪᑦ ᐃᖃᓇᐃᔭᕐᓂᕐᒥᓂᑦ ᐊᖏᕋᖃᕕᒋᓗᒍ ᓄᓇᓕᖓᓂ ᐊᒻᒪᓗ ᐃᖃᓇᐃᔭᕈᑎᑦᑎᐊᕐᓗᓂᒋᑦ ᓴᓇᑐᔫᓗᓂ ᓄᓇᓕᖕᓂ.

ᑕᓂᐃᓚ ᐱᓕᕆᐊᕆᔪᓐᓇᖅᑕᑐᐊᖃᕐᓇᓂ ᐃᖅᑲᓇᐃᔭᖅᑎᓪᓚᕆᐅᖕᒪᑦ ᐃᓕᓐᓂᐊᖅᓯᒪᓂᖃᒃᖢᓂᓗ ᑐᓴᐅᒪᖃᑎᒌᒍᑎᓕᕆᓂᕐᒥ. 

ᑐᓴᐅᒪᖃᑎᒌᒍᑎᓕᕆᓂᕐᒥ ᐱᓕᕆᐊᓪᓗᐋᑕᖃᒃᖢᓂ ᐊᑏ-ᒎ ᐱᕙᓪᓕᐋᔪᓕᕆᔾᔪᑎᒥ, ᑕᓂᐃᓚ ᐱᓕᐋᖃᕈᒪᑦᑎᐊᕐᒪᑦ ᑐᓴᐅᒪᖃᑎᒌᒍᑎᓕᕆᓂᕐᒧᑦ ᐸᕐᓇᖕᓂᕐᒥᑦ, ᑎᑎᕋᕐᓂᕐᒥᑦ, ᐊᒻᒪᓗ ᖃᐅᔨᓇᓱᐊᕐᓂᕐᒥᑦ. ᐊᓂᒍᖅᑐᓂ ᑕᐃᑦᓱᒪᓂᐅᓚᐅᖅᑐᖅ, ᐃᖅᑲᓇᐃᔭᖃᑦᑕᓚᐅᖅᓯᒪᓪᓗᓂ ᐋᖅᑭᒃᓱᐃᕙᒃᖢᓂ ᑎᑎᕋᒃᓯᒪᔪᓕᐅᖅᐸᒃᖢᓂ ᐊᔾᔨᒌᖏᑦᑑᑎᓂᑦ ᐱᓕᕆᐊᒃᓴᓂᑦ ᐊᒻᒪᓗ ᑮᓇᐅᔭᓕᐅᕋᓱᐊᖏᑦᑐᓄᑦ ᐃᖅᑲᓇᐃᔭᕐᕕᖕᓄᑦ. 

ᑖᓐᓇ ᓴᓇᑐᔪᐋᓗᓪᓗᓂ, ᐱᓕᕆᒃᑳᓗᓪᓗᓂ ᐊᒻᒪᓗ ᐊᑐᑦᑎᐊᕈᓐᓇᖅᖢᓂᒋᑦ ᐱᓕᕆᐊᒃᓴᐃᑦ ᐊᖏᓕᕇᒃᖃᓗᐊᖅᐸᑕᓘᓂᑦ ᐊᒻᒪᓗ ᐱᓕᕆᐋᕆᔭᕐᓂᖏᒃᑲᓗᐊᖅᐸᑕ.